繁體
週末黃昏,藍帶青來到海邊,牽著青小手走過彎彎曲曲的石春路,到達一所藍白地中海小餐館,桃木傢俬擺設陪襯簡潔吊扇,陣陣海風迎面吹來,一種無可抗拒的舒適自然,洗滌了藍內心的鬱悶煩躁⋯⋯餐廳內裡調暗燈光,餐枱上點了香氛蠟燭,散發幽幽熱帶水果香氣,吧枱上一套膽機正播放輕快悠揚樂韻⋯⋯
青被四周圍環境觸動,心情輕鬆自在,藍細心地為她拉櫈坐下⋯⋯
青(嘴角向上翹):今日係咩日子呀?點解咁浪漫嘅?
藍(低頭髮笑):你唔知咩?你估下吖?
青(傻了眼):啊!係唔係相識半週年?
藍忍住笑,搖搖不語。
青(摸一摸頸上的生日禮物頸鍊):又唔係你生日,又唔係我生日⋯⋯
侍應正小心翼翼,從廚房捧著熱湯沙律,放在餐枱上
青(氣餒):有冇貼士先?
藍(咬一下上唇):啊!貼士係同我哋有關嘅⋯⋯
青嘟嘟小嘴,皺著眉頭,一面低頭喝湯,一面繼續猜謎。
藍(掦一下眉):啊!咁你有冇野未話比我聽架?
青(愕然假惺惺):唔嚇⋯⋯乜我有野未講你聽咩?
藍(摸一下耳珠):啊!肯定沒有?
青(摸不著頭腦):你今日好似怪怪地咁⋯⋯
藍額頭冒汗,心裡一面叫自己放輕鬆,一面把希臘沙律端在青面前,青比平時開胃,三扒兩撥已經吃了一大碟,心滿意足地放下刀叉,輕託著香腮⋯⋯
青(意氣風發):好啦!意粉又食完啦!可以話俾我聽今晚搞乜鬼呢?
Loading...
未載入完,嘗試【重新整理】or【退出閱讀模式】or【關閉廣告遮蔽】。
嘗試更換【Firefox瀏覽器】or【Edge瀏覽器】開啟多多收藏!
移動流量偶爾打不開,可以切換電信、聯通、Wifi。
收藏網址:www.ebook8.cc
(>人<;)