繁體
「叮噹⋯⋯叮噹⋯⋯」
一陣室內起鬨的歡呼聲,俊徐徐開啟大門,眾人高聲叫嚷,為的是迎接這對新鮮出爐的熱戀男女⋯⋯
俊(扮妒忌咬牙切齒):哎呀!喺冰島返嚟成半年,都唔搵下我,都估到你地掛住拍拖,兩個係屋企「好忙」架啦⋯⋯
青(聳聳肩沒好氣):收聲啦!成個八婆咁!買咗份手信俾你啊!藍都有一枝同你一模一樣⋯⋯
俊(縮膊頭探頭望紙袋):咁好?啊!原來我同藍仍然平起平坐喎!wow!係potdistilledgin酒!見你咁有誠意!我就脆脆地收咗份禮物先啦!喂!有你最鐘意嘅margaux紅酒喎!等我斟杯你先!
青(視線轉移摸頸鍊):哎呀!今日唔想飲啦!⋯⋯
青轉身走向廚房找東西吃。
俊望向藍(戚眉雙手插袋):啊!你出左院已經有一段時間,做物理治療有冇進展啊?
藍(按摩膝頭):我依家仲有返醫院做物理治療,但係膝頭肌肉骨骼嘅康復時間比預期慢⋯⋯
俊(身體向前傾):明白!一陣間我比一本肌肉神經嘅參考書你吖!希望幫到你⋯⋯咁你先天隱性心臟病,仲有冇跟進?
藍看到青捧著一碗小蕃茄回來,頓時戚眉單眼,順勢示意俊不要再繼續說下去⋯⋯
藍(搓手):攞咗啲咩返嚟食呀?
青(嘴嘟嘟):我想食啲開胃野,有啲五顏六色嘅番茄仔啊!
藍(揚一下眉):點解呢排見你,都唔係好想食嘢咁嘅,如果唔舒服嘅就要睇醫生啦⋯⋯
Loading...
未載入完,嘗試【重新整理】or【退出閱讀模式】or【關閉廣告遮蔽】。
嘗試更換【Firefox瀏覽器】or【Edge瀏覽器】開啟多多收藏!
移動流量偶爾打不開,可以切換電信、聯通、Wifi。
收藏網址:www.ebook8.cc
(>人<;)