電腦版
首頁

搜尋 繁體

7 心慌意亂(1 / 2)

熱門小說推薦

最近更新小說

藍描一下青的身影,無意識地拍一拍後腦,擠出笑臉轉身與青交收電話,拉開車門送青回家,希望暫且離開這檔爛攤子。

雪靈巧地洞悉青的出現,快速抹乾淚水,盤算著下一步怎樣做,心有不甘眼巴巴讓他們先離開。

車廂裡,青首先打破沉默。

青(暗暗呼一口氣):「唉喲!好彩電話冇唔見,如果唔係就麻煩啊⋯⋯」

藍(神不守舍):「啊!係呀……」

青(鼓起勇氣):「頭先見到你朋友喊得好犀利喎?」

藍(感觸):「佢係我以前女朋友阿雪,三年前粒聲唔出走咗去法國,今日突然間又返嚟……」

青(出奇):「點解阿雪咁鐘意去法國?」

藍(聲音開始沙啞):「佢由細到大都好鐘意煮嘢食,去法國進修廚藝係佢一直嘅夢想⋯⋯」

青(反問):「果時你作為佢男朋友,唔係應該支援佢,去追尋自己夢想咩?」

藍(嘆一口氣):「佢要走嘅時候,係我人生中嘅谷底,媽咪離開咗,我成個世界好似冧咗一半,好需要佢係我身邊支援我,當時佢話個機會好難得,佢唔想放棄⋯⋯」

青(點點頭):「明白⋯⋯」

藍(眼泛淚光):「其實我都安慰自己,自己只不過輸咗比一件事,唔係一個人,咁諗就舒服啲……」

青(同情):「明白⋯⋯實現夢想真係要付出代價……」

藍(嘆一口氣):「咁,你有咩夢想呀?」

青(尷尬):「其實,都唔算係乜嘢夢想,我只係想同我鐘意嘅人四圍去⋯⋯」

Loading...

未載入完,嘗試【重新整理】or【退出閱讀模式】or【關閉廣告遮蔽】。

嘗試更換【Firefox瀏覽器】or【Edge瀏覽器】開啟多多收藏!

移動流量偶爾打不開,可以切換電信、聯通、Wifi。

收藏網址:www.ebook8.cc

(>人<;)